المنتدى

مبادرة فرصة وتحدي … بدعوة من جمعية الاسماء الحسنى – مشروع مكاني – مؤسسة نهر الاردن – اليونيسف

نور نيوز –

بالتنسيق مع  رئيسة الجمعية السيدة صباح مسلم والميسرة حنين حياصات والسيدة عالية الحموي منسقة الشؤون الاجتماعية للمبادرة بدء الدورة الارشادية حوار الاجيال – تنمية الذات ، ورشة العمل الاولى يوم الاحدالموافق 6/12/2020 ، وتضمنت جلستين حواريتين مع عدد من المستفدين من مكون مهارات الحياةمن الفئات العمرية 13– 16سنة ، وقد كانت ردود الفعل ذات اثر ايجابي حيث وصلنا منها :

– استفدنا كتير تعلمنا انه الواحد  يكون قيادي مش انقيادي يعني يقدر يتحمل كل الظروف اللي الحياة بتحطه الفرد فيها. وضع خطط والاهداف ونقسهم ونعرف نتعامل معها عن طريق ادارة الوقت، ونسال حالنا  مين انا؟ وين رايح ؟ ومع مين رايح ؟ وكيف نتواصل مع  الجيل السابق لان تفكيرهم بختلف عن تفكيرنا ونحاول قد ما نقدر نقنعهم بالاشياء اللي بدنا ياها بهدوء نعرف نوصل وجهة نظرنا ودائما نكون ناس ايجابيين نعطي طاقة للناس ونشكرهم وهدول/  هبة عاصم

– تعلمنا اذا عندنا حلم او عنا هواية او عنا اي مشروع حابين نعمله انه نجاهد لنوصل الهوتعلمنا انه كيف نقنع الاهل ونوصللهم الفكرة اللي بدنا اياها باسلوب فيه احترام ونقاش  ونضل نحاول ليقتنعوا فيها

وما نيأس / ليان صافي

– انا يلي تعلمتوا اليوم انو الثقة بالنفس اهم اشي وانو اقدر نفسي وكمان لازم يكون عنا ايجابيات وحتى لو ما كان في لازم نغير حياتنا ونشتغل على حالنا للأفضل بطريقه ايجابيه وحلوه وما اتصنع قدام اي حدا عشان ارضي غيري  انا بضل على طبيعتي / سادين فاروق

– انا فهمت  وتعلمت انه لازم ثقتنا بأنفسنا تكون كبيرة… وما نعمل حساب لرأي الناس فينا… او شو بحكو عنا… إذا احنا واثقين بحالنا واعمالنا وقدراتنا… نحكي ونعمل بكل ثقة وبدون تردد بالعكس نختار الوقت المناسب والمكان المناسب وننتهز الفرص ونبين حالنا سواء بالكلام أو الفعل مع الانتباه للتصرف بطبيعتنا وبدون تصنع / خزامى يوسف

مقالات ذات صلة

زر الذهاب إلى الأعلى